شعر قوي

ايقوله اخطو و الخطا الي جابهم عين الصواب
مبطي وانه اجوف الطمع يكشف رداهم واستره


ما يملي عيون الحسود اله في هالزمن اله التراب
ومن له يتوب من الخطا تحرم عليه المعذره


الي من اوله خراب اكيد تاليهه خراب
و البندق الي ما تثور في هدفها تذعره


ودك ان جاتك الغلطه من الناس القراب
الصاحب الي ما ما كسبت محبته ما تخسره


مشكلتي اني ماعرفت احسب لصدتهم احساب
قلطهم صدري على ذكري قصيد و حنجره


صوت يصول بمنبره وخطاب ما مثله خطاب
و الطيبه الي زعزعت صوت الخطيب ومنبره


مافي دمع صوبوه احبابي في وجهي وخاب
وله زرق حزني على غالي و له فج انحره


كل الزهاب الي معي ذكراه من اصحاب الزهاب
و الي بقالي من عذاب اشرس طريجي واخطره


لاني تجنبت الغرق عديت من فوق السحاب
لم اكثر اصحابي ورق ما جفت للطيب ثمره


والله ما حطيت بين الحقد والخوه احجاب
حته غدو ربعي يحدوني على الضيق اشكره


البارحه ثارت علي رقاب و راوتني رقاب
البارحه يا ثقل دم البارح و يا محقره


اهبك يا وجه الحسد و اشلون جمعهم و غاب
كيف السنين الي عطني بعثرتهم بعثره


اثر المصايب ما تجيك اله من الناس القراب
و في هالزمن حته الصديق الي تثق فيه احذره


لا بارك الله في صديق تزعله كلمه عتاب
و لا جم الله الرجال الي تفرقهم مره


عودت نفسي كلمه شددت لليمه رقاب
ما صد وجهي عن طريج وله جب اخبره


الصاحب الي ما يجي من صحبته غير العذاب
نذر علي ان ما هجرني و له انه الي بهجره


من يفتح لفرقاي باب اقكله عشرين باب
و اذا خويي ما يقدر خوتي ما قدره


ان روحو فانا بري منهم ليوم الحساب
و ان جرحو قولوهم ما حركو فيني شعره


شفهم لهم حول اسنه وله خذو مني جواب
احسن دوه للي يحاول يستفزك تحقره


انا جمعت اوراقهم في كتاب و اغلقت الكتاب
يا وقت لم الي تلمه و انثر الي تنثره


ما كنت احاتيهم صغير عاد احاتيهم شباب
ان ما ذخرني صاحبي لليوم الاسود ما ذخره


عقب اكتئاب البارحه ما عاد انا حملي اكتئاب
الطيب جرجرني و انا ماني بناقص جرجره


الي يخاف من الظما يترك لنا طرد السراب
و الي مب قد الظلام و وحشته لايسهره


انا تجرعت العطش لين احترق وجهي و ذاب
انا كسرت بخاطري قبل الصداقه تكسره


انا خسرت الي غيابه غير عن كل الغياب
انا غفرت للعالم ما تستحقه المغفره


انا اكثر انسان تعلم من كثر ما اخطه و اصاب
انا اخر انسان يتكلم في زمان الثرثره


انا القصيد الي فزع من دفتره مليون ناب
و انا الوحيد الي جمع مليون ناب بدفتره


جفني و جرحه السهر و حيلي هدتهه الصعاب
دمعي هدر ضحكي ندر و عمري ضيعت اكثره


شيبت في عقول العرب و هيب روس ما تهاب
و جمهرت ناس عمره ما يعرفون الجمهره


ما صرت ذيب اله لان الي حواليني ذياب
و ما كنت اغيب اله لان العفو عند المقدره


تره حلاتك لحملت لصاحبك كلمه عتاب
انما نطقت ابها بوجهه ما تذمه بظهره


في هالزمن ما يملي عيون الحسود اله التراب
وله الحضيض الطلقه الي ما تصيبه تذعره


ودك اليوم ان جاتك الغلطه من الناس القراب
الصاحب الي ما كسبت محبته ما تخسره

في هالزمن ما يملي عيون الحسود اله التراب
وله الحضيض الطلقه الي ما تصيبه تذعره


ودك اليوم ان جاتك الغلطه من الناس القراب
الصاحب الي ما كسبت محبته ما تخسره



صح لسان كاتبها
لاهنت

نعم نعم نعم اخوي تسلم يدك الي كتبت وتسلم مخك الي حفظ وتسلم لسانك الي تكلم الله يعطيك العافيه مشاركه حلوه منك يا خوي